ബീഫ് കട്‌ലറ്റ്

>> Saturday 18 April 2009

ചേരുവകള്‍:-

1. ബീഫ് - 1കപ്പ്
കുരുമുളക്‌പൊടി - അര ടീസ്പൂണ്‍
ഗരം‌മസാല - അര ടീസ്പൂണ്‍
ഉപ്പ് - ആവശ്യത്തിന്
2. എണ്ണ - 1 റ്റീസ്പൂണ്‍
3. സവാള - 1
പച്ചമുളക് - 3
ഇഞ്ചി - 1ടീസ്പൂണ്‍
വെളുത്തുള്ളി - 1ടീസ്പൂണ്‍
4. ഉരുളകിഴങ്ങ്(പുഴുങ്ങി പൊടിച്ചത്) -ഒന്ന് വലുത്
6. എണ്ണ - വറുക്കാന്‍ ആവശ്യത്തിന്
8 കറിവേപ്പില - 1തണ്ട്
9. കോഴിമുട്ട(അടിച്ച് പതപ്പിച്ചത്) - 1
10. കോട്ടിംഗിന് ആവശ്യമായ റെസ്ക്ക്പൊടി

പാകം ചെയ്യുന്ന വിധം

ബീഫ് കുരുമുളക് പൊടി, ഗരം മസാല, ഉപ്പ് എന്നിവ ചേര്‍ത്ത് വേവിച്ച് മിക്സിയില്‍ അടിച്ചെടുക്കുക. പാന്‍ അടുപ്പില്‍ വെച്ച് ചൂടാകുമ്പോള്‍ 1 റ്റീസ്പൂണ്‍ എണ്ണയൊഴിച്ച്, ചെറുതായി അരിഞ്ഞ സവാള,പച്ചമുളക്,ഇഞ്ചി,വെളുത്തുള്ളി,കറിവേപ്പില എന്നിവ നന്നായി വഴറ്റുക. നന്നായി വഴന്ന് കഴിയുമ്പോള്‍ തയ്യാറാക്കി വെച്ചിരിക്കുന്ന ബീഫും അല്പം ഉപ്പും ചേര്‍ക്കുക.നന്നായി ഇളക്കി ഇറച്ചിയിലെ വെള്ളം ഇല്ലാതാകുമ്പോള്‍ വേവിച്ച് വെച്ച ഉരുളക്കിഴങ്ങ് ചേര്‍ത്ത് എല്ലാം കൂടി നന്നായി മിക്സ് ചെയ്തിട്ട് തീ അണക്കുക.

ഈ കൂട്ട് ചെറിയ ഉരുളകളാക്കി മുട്ടയില്‍ മുക്കി പിന്നെ റെസ്ക് പൊടിയിലും മുക്കി എണ്ണയില്‍ ഇട്ട് വറുത്തെടുക്കാം. റ്റൊമോറ്റൊ കെച്ചപ്പ് ചേര്‍ത്ത് ചോടൂടെ സാപ്പിടാം.

3 comments:

ജെസ്സി 18 April 2009 at 13:15  

ബീഫ് കട്‌ലറ്റ്

ആദി 18 April 2009 at 15:50  

ജെസ്സി സംഗതി കൊള്ളാം, ഞാനിപ്പോ പാചകങ്ങളു അന്വഷിരിക്കുകയാണ് കാരണം മറ്റൊന്നുമല്ല വീട്ടിൽനിന്ന് കുറെ അകലെയാണ് ഇവിടെ നല്ലൊരു അടുക്കളയുമോണ്ട് പക്ഷെ ഒരു വക അറിയില്ല ഏതായാലും ഇതൊന്നു പരീക്ഷിക്കാം സാധനങ്ങളു കിട്ടുമോന്ന് ഒന്ന് നോക്കട്ടേ..(യൂറോപ്പിലാണ് ഇപ്പോൾ, ജർമനിയിലെ സായിപ്പന്മാരുടെ പലവ്യഞനകടകളുമാത്രമേ ഇതുവരെ കണ്ടുള്ളു)

സുല്‍ |Sul 18 April 2009 at 23:05  

പറഞ്ഞപ്പോള്‍ വേഗം കഴിഞ്ഞു അല്ലേ ജസീ... രണ്ടു പടം കൂടി ഉണ്ടെങ്കില്‍ ഒന്നുകൂടി ഉഷാറായേനെ :‌)

-സുല്‍

About This Blog

Lorem Ipsum

Ourblogtemplates.com

Back to TOP